11.09c
Երեվան
ուրբ, հկտ 31
Կարմիր խաչի միջազգային կոմիտէի միջնորդութեամբ՝ Կազայի հատուածին մէջ Իսրայէլի զինուորականներուն յանձնուած են եւս երկու մահացած պատանդներու աճիւններ։
«Արմենփրէս»-ի հաղորդմամբ, այս մասին յայտարարած է Իսրայէլի վարչապետի գրասենեակը։
Յայտարարութեան համաձայն՝ դատաբժշկական փորձագէտները շուտով Իսրայէլի մէջ պիտի կատարեն նոյնականացման ընթացակարգ։
9 Հոկտեմբերին, Եգիպտոսի, Քաթարի, ԱՄՆ-ի եւ Թուրքիոյ միջնորդութեամբ, Իսրայէլ եւ «Համաս» համաձայնած են իրականացնել ԱՄՆ նախագահ Տանըլտ Թրամփի կողմէ ներկայացուած խաղաղութեան ծրագրի առաջին փուլը։ Կազայի մէջ հրադադարը ուժի մէջ մտած է 10 Հոկտեմբերին, իսկ 13 Հոկտեմբերին «Համաս»-ը եւ անոր դաշնակիցները ազատ արձակած են 20 ողջ մնացած իսրայէլացի պատանդները եւ յանձնած չորս մահացած գերիներու աճիւններ։ Յաջորդ օրերուն «Համաս» Իսրայէլին յանձնած էր եւս քանի մը մահացած իսրայէլացիներու աճիւններ։
