24.09c
Երեվան
երք, հնս 24
Հովանաւորութեամբ հայ երեք համայնքապետերուն Հալէպի Հայ Ծերանոցի մամիկներն ու պապիկները հրաւիրուեցան հաճելի պահեր անցնելու "together" հաստատութեան կազմակերպած ձեռնարկին:
Այս մասին «Արեւելք» տեղեկացաւ Բերիոյ Հայոց Թեմի պաշտօնական էջէն:
Ստորեւ հրապարակուած լրատւութիւնը՝
Հովանաւորութեամբ հայ երեք համայնքապետերուն, կազմակերպութեամբ՝ "together" հաստատութեան, Ուրբաթ, 9 Մայիս 2025-ին, Հայ Ծերանոցի մամիկներն ու պապիկները հրաւիրուեցան "New Sbidag" ճաշարան, ներկայութեամբ՝ Բերիոյ Հայոց Թեմի Բարեջան Առաջնորդ Գերշ. Տ. Մակար Ս. Արք. Աշգարեանի, Հոգշ. Տ. Մանուկ վրդ. Պաիխանեանի, Հայ Կաթողիկէ համայնքի ներկայացուցիչ Հոգշ. Տ. Կոմիտաս վրդ. Տատաղլեանի, Հայ Աւետարանական համայնքի ներկայացուցիչ պատուելի Ասատուր Մնչերեանի, Հայ Ծերանոցի տնօրէնուհիին, խնամակալութեան ու տիկնաց օժանդակ յանձնախումբին։
"together" հաստատութեան անձնակազմը սիրալիր եւ բացառիկ պատշաճութեամբ հիւրընկալեց Հայ Ծերանոցի մամիկներն ու պապիկները։ Ապա, հաստատութեան Սուրիոյ ներկայացուցիչ տիար Յակոբ Յակոբեան խօսք առնելով շնորհակալութիւն յայտնեց Հայ Ծերանոցի աշխատակազմին՝ իրենց ցուցաբերած այս վսեմ աշխատանքին համար։ Իր կարգին, Սրբազան Հայրը մեծապէս գնահատեց "together" հաստատութեան կազմակերպած այս ձեռնարկը նաեւ քաջալերեց հայ մամիկներն ու պապիկները, անոնց մաղթելով խաղաղ եւ առողջ կեանք։
Ընթացքին տեղի ունեցաւ կոկիկ յայտագիր մը։
Այս առիթով "together" հաստատութիւնը բաշխեց նուէրներ բոլոր տարեցներուն։
Մամիկներն ու պապիկները երգերով եւ խաղերով իրենց մասնակցութիւնը բերին օրուան հանդիպումին և միասին հաճելի ժամեր անցուցին։
