27.09c
Երեվան
շբթ, հլս 27
ՌԴ պաշտպանութեան նախարարութիւնը դիմած է «Վակներ» մասնաւոր ռազմական կազմակերպութեան գրոհային ջոկատներու մարտիկներուն՝ յայտարարելով, որ անոնց խաբեութեամբ ներքաշած են Եւկենի Փրիկոժինի յանցաւոր արկածախնդրութեան մէջ, գրած է ՌԻԱ Նովոստին։
«Կը դիմենք «Վակներ» մասնաւոր ռազմական կազմակերպութեան գրոհային ջոկատներու մարտիկներուն։ Ձեզ խաբեութեամբ ներքաշած են Փրիկոժինի յանցաւոր արկածախնդրութեան եւ զինուած ապստամբութեան մէջ: Ձեր ընկերներէն շատերը որոշ ջոկատներէ արդէն հասկցած են իրենց սխալը`օգնութիւն խնդրելով իրենց մշտական տեղակայման վայրեր անվտանգ վերադառնալու հնարաւորութիւնն ապահովելու հարցով: Մեր կողմէ նման օգնութիւնն արդէն իսկ ցուցաբերուած է մեզի դիմած բոլոր մարտիկներուն ու հրամանատարներուն»,-յայտնած են ռազմական գերատեսչութենէն:
ՌԴ ՊՆ-ն «Վակներ»ի մարտիկները յորդորած է խոհեմութիւն դրսեւորելու եւ հնարաւորինս շուտ կապ հաստատելու պաշտպանութեան նախարարութեան կամ իրաւապահ մարմիններու ներկայացուցիչներու հետ։
