17.09c
Երեվան
կրկ, մյս 03
Չինաստանի Ժողովրդական Հանրապետութեան ղեկավար Սի Ծինփին յայտարարած է, որ համաշխարհային տնտեսութիւնը արդէն կանգնած է ընկրկման վտանգի առաջ։
Ան նշած է, որ առաջին հարուածը ստացած են զարգացող երկիրները: Այս մասին Սի Ծինփին ըսած է Պալիի մէջ G20-ի գագաթնաժողովին, կը հաղորդէ ԹԱՍՍ-ը։
Չինաստանի ղեկավարը կը կարծէ, որ անհրաժեշտ է խթանել աւելի կայուն համաշխարհային զարգացում։
«Տնտեսական համաշխարհայնացումը կանգնած է հակառակ փչող քամիներու առաջ, համաշխարհային տնտեսութիւնը կանգնած է ընկրկման վտանգի առաջ: Բոլորն ալ դժուարութիւններու կը բախին, իսկ առաջինը հարուածը ստացած են զարգացող երկիրները»,- ըսած է ան:
Սի Ծինփինը նաեւ կոչ ըրած է վերացնելու գիտական եւ արհեստագիտական համագործակցութեան սահմանափակումները։ Ան նշած է, որ պարէնային եւ ուժանիւթային անվտանգութիւնը այսօր ամենահրատապ մարտահրաւէրներն են համաշխարհային զարգացման ոլորտին մէջ։
