ՀՀ քննչական կոմիտէի յատկապէս կարեւոր գործերու քննութեան գլխաւոր վարչութեան մէջ իրականացուած մեծածաւալ քննչական եւ դատավարական այլ գործողութիւններու հետեւանքով պարզուած են 18 Յուլիսի 2021-ին Երեւանի Ամիրեան փողոցի մէջ տեղի ունեցած խուլիկանութեան դէպքի շարք մը հանգամանքներ, ենթադրեալ յանցագործութիւն կատարած անձի ինքնութիւնը, որ Երեւանի բնակիչ Ռոպերթ Սուքիասեանն է:
Քննութեամբ ձեռք բերուած փաստական տուեալներու համաձայն՝ Ռոպերթ Սուքիասեանը, երթեւեկութեան ընթացքին իր ծանօթի կնոջ Նարեկ Կարապետեանի կողմէ ձայնային ազդանշան տալու եւ վիրաւորանքներ հասցնելու շուրջ պարզաբանումներ ստանալու նպատակով, 18 Յուլիս 2021-ին՝ ժամը 19:15-ի սահմաններուն, Երեւան քաղաքի Ամիրեան փողոցին մէջ վերոնշեալ ծանօթի եւ խումբ մը անձանց հետ վիճաբանած է Ն.Կարապետեանի եւ անոր ընկերոջ հետ, որու ընթացքին բացայայտ անյարգալից վերաբերմունք դրսեւորելով հասարակութեան նկատմամբ՝ նշուած անձինք հայհոյանքներ հնչեցուցած եւ փոխադարձ հարուածներ հասցուցած են իրար: Այդ ընթացքին Ռոպերթ Սուքիասեանն, իր անձի առաւելութիւնն ընդգծելու մոլուցքով տարուած, նախ` գլուխով, ապա՝ բռունցքով, հարուածած է Ն.Կարապետեանի դէմքին, որմէ ետք հանած ու ցուցադրաբար լիցքաւորած է օրինական հիմունքներով իրեն պատկանող «BROWNING» տեսակի 9x17 տրամաչափի մարտական ատրճանակը, ապա՝ շարունակելով խուլիկանական գործողութիւնները՝ նշուած ատրճանակէն 2 կրակոց արձակած է վերջինիս ոտքերու ուղղութեամբ՝ գետնին՝ շուրջը գտնուող անձանց մօտ առաջացնելով վախի մթնոլորտ:
Այնուհետեւ Ռոպերթ Սուքիասեանը նոյն ատրճանակով կրակոց արձակած է նաեւ Նարեկ Կարապետեանի ընկերոջ ուղղութեամբ՝ պատճառելով աջ սրունքոսկրի հրազէնային վնասուածք եւ հեռացած:
Ձեռք բերուած բաւարար ապացոյցներու համակցութեամբ՝ Ռոպերթ Սուքիասեանին մեղադրանք առաջադրուած է: Միջնորդութիւն ներկայացուած է դատարան՝ անոր նկատմամբ որպէս խափանման միջոց կալանաւորում ընտրելու վերաբերեալ, որ բաւարարուած է: Վարոյթն իրականացնող մարմնի կողմէ որոշում կայացուած է՝ Նարեկ Կարապետեանը ձերբակալելու մասին, որու կատարումը յանձնարարուած է ՀՀ ոստիկանութեան համապատասխան ստորաբաժանման:
Նախաքննութիւնը կը շարունակուի:
Միացիր մեզ Տելեգրամում
Միացիր մեզ Յութուբում
Կիսուիլ
