12.09c
Երեվան
երկ, մյս 19
Օրերս AMAA-ի գործադիր տնօրէն՝ Սերժ Պուչաքչեանը եւ նախագահ Կէրի Ֆիլիփսը այցելեցին Աւետիսեան վարժարանը եւ բարձր գնահատեցին վարժարանէն ներս տարուած աշխատանքը: Նշենք նաեւ, որ սոյն պատուիրակութեան կ՚ընկերանար ԱՀԱԸ-ի Հայաստանի երիտասարդ եւ եռանդուն ներկայացուցիչ՝ Տիար Արէն Տէյիրմէնճեան։
«Արեւելք» տեղեկութիւն ստացաւ (AMAA) Armenia դիմատետրի էջէն։
Ստորեւ կը ներկայացնենք լրատւութիւնը՝
Աւետիսեան վարժարանը պատիւն ունեցաւ հիւրընկալելու AMAA-ի գործադիր տնօրէն՝ Սերժ Պուչաքչեանը եւ նախագահ Կէրի Ֆիլիփսը:
Այցելութեան ընթացքին անոնք շրջեցան դպրոցին մէջ, հաղորդակցեցան աշակերտներուն հետ ինչպէս նաեւ զրուցեցին ուսուցիչներուն եւ անձնակազմի ներկայացուցիչներուն հետ։
AMAA-ի առաջնորդները բարձր գնահատեցին դպրոցին կրթական միջավայրը՝ յատուկ ընդգծելով ուսուցիչներուն, անձնակազմին եւ պաշտօնէութեան նուիրական աշխատանքը։
