-0.91c
Երեվան
հնգ, դկտ 25
Տեսանիւթին մէջ նախագահը նշած է, որ Ուքրանիան եւ ուքրանացիները սուփըրհերոսներ դարձած են ամբողջ աշխարհին համար, սակայն անոր համար «ստիպուած եղած են մեծ գին վճարել:
Ուքրանիոյ նախագահ Վոլոտիմիր Զելենսքին կարճ տեսանիւթ հրապարակած է, որուն մէջ ըսած է, որ Ուքրանիան «կրնայ յաղթել վիշապին, որ աշխարհի կէսին ստիպած է դողալ»:
Տեսանիւթին մէջ նախագահը նշած է, որ Ուքրանիան եւ ուքրանացիները սուփըրհերոսներ դարձած են ամբողջ աշխարհին համար, սակայն անոր համար «ստիպուած եղած են մեծ գին վճարել»: Երկրին նախագահը վստահ է, որ ուքրանական դրօշը, Զմէինի կղզիէն յետոյ, ի վերջոյ պիտի վերադառնայ Խրիմ եւ այլ բռնագրաւուած տարածքներ:
«Մեզի համար հեշտ չէ 134 օր քնանալ, բայց այս բոլոր օրերուն մենք գիտենք, թէ ինչու կ'արթնննք, որու համար եւ ամենակարեւորը` որպէս ով: Մենք ուքրանացիներ ենք, պարզապէս մարդիկ, բարի, խաղաղ մարդիկ, մենք յայտնուած են աշխարհի թօփ նորութիւններուն մէջ եւ դարձած ենք սուփըրհերոսներ: Ընդամէնը կը փափաքինք ապրիլ: Ազատ երկրի մէջ: Բայց Աստուած իր ծրագիրը ունի, եւ եթէ մեզի բաժին ինկած է յաղթահարել վիշապին, որմէ աշխարհի կէսը կը դողայ... կը նշանակէ, որ մենք կրնանք այդ ընել... Եւ օր մը անպայման կապոյտ-դեղինը (Ուքրանիոյ դրօշը) պիտի ըլլայ Խրիմի թերակղզին մէջի: Եւ մեր բոլոր բռնագրաւուած քաղաքներուն ու գիւղերուն մէջ: Եւ անոնցմէ իւրաքանչիւրին մէջ պիտի հնչէ մեր օրհներգը», ըսած է երկրին նախագահը:
