0.09c
Երեվան
շբթ, նմբ 22
Այսօր՝ Հոկտեմբերի 19-ին, 🇻🇦 Վատիկանի մէջ, Հռոմի Պապ Լեւոն ԺԴ․-ի հանդիսապետութեամբ տեղի ունեցաւ 🇦🇲 Հայ Կաթոլիկ Եկեղեցւոյ արքեպիսկոպոս Իգնատիոս Մալոյանի եւ այլ վեց անձերու սրբադասման արարողութիւնը։
Արքեպիսկոպոս Իգնատիոս Մալոյանն ու նշուած վեց անձերը 2001-ին Հռոմի Պապ Յովհաննէս Պօղոս Բ․-ի կողմէ դասուած էին երանելիներու շարքին, իսկ 2024-ին հրապարակուեցաւ, որ պիտի սրբադասուին։
👉 Իգնատիոս (աւազանի անունը՝ Շըքրալլահ) Մալոյան, Մելքոնի եւ Ֆարիդէի որդին, ծնած է 1869 թուականին, Մարտին քաղաքին մէջ (Օսմանեան Կայսրութիւն)։
Աղբիւրներու համաձայն՝ տեղական ծխական քահանան առաջինն էր, որ 14 տարեկան պատանիին մէջ նկատած էր հոգեւոր կոչումի նշաններ, ուստի զինք ղրկած էր Զմմառի Ս․ Տիրամօր վանքը🇱🇧։
1896-ին աւարտելով բարձրագոյն ուսումը, ձեռնադրուեցաւ հոգեւորական, եւ անդամագրուեցաւ Զմմառու վանքի միաբանութեան՝ ստանալով Իգնատիոս անունը, ի պատիւ նահատակ՝ Ս․ Իգնատիոս Անտիոքացի
1897-1910 թթ․ հայր Իգնատիոս ծառայեց Եգիպտոսի մէջ՝ իբր ծխատէր քահանա։
1911-ին Հռոմի մէջ գումարուած հայ կաթոլիկ եպիսկոպոսաց սինոդը զինք ընտրեց Մարտինի Առաջնորդ։❗️1915 թուականի Ապրիլ 30-ին թուրք զինուորներ շրջափակեցին Մարտինի հայ կաթոլիկ առաջնորդարանի շէնքն ու եկեղեցին, մեղադրելով, թէ իբր այն կը գործածուի, որպէս զէնքի պահեստանոց։
Մէկ ամիս ետք՝ 3 Յունիսին ձերբակալուեցան արքեպիսկոպոս Մալոյանն ու հայ կաթոլիկ 27 նշանաւոր անձեր, իսկ յաջորդ օրը՝ մնացած հոգեւորականներն ու բազմաթիւ հաւատացեալներ։
‼️Դատավարութեան ընթացքին ոստիկանապետ Մամտուհ Պէյը պահանջեց, որ արքեպիսկոպոսը իսլամ ընդունի, սակայն վերջինս վճռականօրէն մերժեց, ըսելով՝ «Պատրաստ եմ դիմանալ որեւէ չարչարանքի եւ մեռնիլ՝ իբր երջանկութիւն, որովհետեւ ես Քրիստոսի հետեւորդ եմ»։
Այդ խօսքերուն վրայ Մամտուհ Պէյը ատրճանակի կոթով հարվածեց անոր գլխուն եւ հրամայեց զինք բանտարկել։
Զինուորները շղթայեցին արքեպիսկոպոսի ձեռքերն ու ոտքերը, ծեծեցին, կտտանքներու ենթարկեցին, մինչեւ իսկ հանեցին անոր ոտքի եղունգները։
Վկայուած է, որ 9 Յունիսին մայրը այցելած է իրեն, իսկ յաջորդ օրը՝ զինուորները հաւաքած են Մարտինաբնակ 447 հայեր, որոնց՝ պահակախումբի հսկողութեամբ, տարած են դէպի անապատ։
◼️Գաղթի ճանապարհին Մամտուհ Պէյը դարձեալ պահանջեց, որ արքեպիսկոպոս Իգնատիոսը իսլամ ընդունի, սակայն կրկին մերժում ստանալով՝
ան գնդակահարած է Մալոյանը։
Ըստ վկայութիւններու՝ արքեպիսկոպոս Իգնատիոս Մալոյանը նահատակուեցաւ 10 կամ 11 Յունիսին Տիգրանակերտէն քանի մը քիլոմեթր հեռու՝ Կարաքյոփրուի կամուրջին տակ։
