Հրատապ լուրեր:

Հուլուսի Աքքարէն մեղադրանք՝ Յունաստանին

Հուլուսի Աքքարէն մեղադրանք՝ Յունաստանին

Թուրքիոյ ազգային պաշտպանութեան նախարար Հուլուսի Աքարը Յունաստանը մեղադրած է տարածաշրջանին մէջ լարուածութեան սրման ուղղուած սադրիչ գործողութիւնները շարունակելու հարցով։

«Չնայած մենք խաղաղութեան ձեռք կ'երկարենք, Յունաստանը կը պնդէ շարունակել իր սադրիչ գործողութիւններն ու յայտարարութիւնները, որոնք անընդհատ կը մեծցնեն լարուածութիւնը»,- ըսած է Աքարը, մեջբերած է TRT Haber-ը։

Թուրքիան կը կարծէ, որ եթէ Յունաստան ընդլայնէ իր տարածքային ջուրերը, վեց մղոնէն մինչեւ 12 մղոնի հասցնելով, ան գործնականօրէն կը փակէ թրքական ջուրերը եւ կը փակէ Թուրքիոյ միջազգային ջուրեր հասնելու հնարաւորութիւնը։

Աւելի վաղ՝ Թուրքիոյ արտաքին գործոց նախարար Մեւլութ Չաւուշօղլուն նախազգուշացուցած էր Աթէնքը՝ Եգէական ծովուն մէջ իր տարածքային ջուրերու ընդլայնման մասին։ Անոր խօսքով, վերջին օրերուն յունական մամուլը գրած է, որ Յունաստանի տարածքային ջուրերը Քրետէի շուրջ կ'ընդլայնուին մինչեւ 12 մղոն, սակայն Թուրքիան թոյլ չի տար Եգէական ծովու մէջ յունական ջուրերու ընդլայնումը՝ նոյնիսկ մէկ մղոնով։ Թուրքիոյ արտաքին գործոց նախարարութեան ղեկավարը, անդրադառնալով Անգարայի կողմէ յարուցուած քրէական գործին, ըսած է, որ այս հարցի վերաբերեալ Թուրքիոյ խորհրդարանի 1995 թուականի որոշումը յստակ է եւ կը մնայ ուժի մէջ: