7.09c
Երեվան
երկ, փտր 16
Մենք բոլոր պարագաներուն կը հրաժարինք մեկնաբանելէ դեղին մամուլի տարածած բամբասանքները։ Այս մասին ըսաւ Երեւանի քաղաքապետ Հայկ Մարութեանի մամուլի խօսնակ Յակոբ Կարապետեանը՝ անդրադառնալով «Հայկական ժամանակի» այն յօդուածին, թէ Հայկ Մարութեանը դուրս եկած է ՔՊ-էն, ինչպէս նաեւ՝ հանդիպած է ՀՀ երկրորդ նախագահ Ռոպերթ Քոչարեանի հետ։
«Երեւանի քաղաքապետ Հայկ Մարութեանի անձի եւ գործունէութեան վերաբերեալ վերջին 3 տարիների ընթացքում բազմաթիւ բամբասանքներ եւ ապատեղեկատուութիւն պարունակող տեղեկութիւններ են հրապարակվել։ Սա դրանցից հերթականն է», ըսաւ Յակոբ Կարապետեանը։
Նշենք՝ «Հայկական ժամանակը» գրած է, թէ Հայկ Մարութեանը պատերազմի աւարտէն յետոյ դիմում ներկայացուցած է «Քաղաքացիական պայմանագիր» կուսակցութենէն հեռանալու մասին եւ խզած է յարաբերութիւնները իշխող ուժի անդամներուն հետ: Ըստ «Հայկական ժամանակի»ն՝ տեղեկութիւններ կը շրջանառուին նաեւ այն մասին, որ պատերազմի աւարտէն յետոյ Հայկ Մարութեանը Սէյրան Օհանեանի միջնորդութեամբ հանդիպած է Ռոպերթ Քոչարեանի հետ:
