-13.91c
Երեվան
շբթ, հնվ 03
Ապագային ուղղուած հայեացքով՝ Եգիպտոսի մէջ Հայ Դատի Մարմինը կը շեշտէ բոլոր ոլորտներուն մէջ համագործակցութեան ամրապնդման եւ փոխադարձ զօրակցութեան կարեւորութիւնը՝ իբրեւ համատեղ բարգաւաճման հասնելու ուղի։ Ջանքերու միաւորմամբ եւ փորձառութեան փոխանակումով հայ եւ եգիպտացի ժողովուրդները կրնան շարունակել կերտել դրական եւ ներառական ապագայ մը, որ պիտի ծառայէ իրենց համատեղ շահերուն եւ նպաստէ կայունութեան ամրապնդման։
Մարմինը նաեւ իր յոյսը կը յայտնէ, որ Նոր տարին խաղաղութիւն եւ կայունութիւն պիտի բերէ թէ՛ Եգիպտոսին, թէ՛ Հայաստանին, ինչպէս նաեւ ամբողջ տարածաշրջանին, եւ որ աշխարհը պիտի մտնէ նոր փուլ մը, ուր պիտի տիրէ արդարութիւնը, իսկ ժողովուրդները պիտի կարենան վերականգնել իրենց օրինական իրաւունքները եւ ապրիլ արժանապատիւ ու ապահով կեանքով։
Նոր Տարուան Շնորհաւորանք- Եգիպտոսի Հայ Դատի Յանձնախումբէն ստացած են հետեւեալ հաղորդագրութիւնը՝
Եգիպտոսի մէջ Հայ Դատի Մարմինը Նոր տարուան առիթով իր ջերմ շնորհաւորանքներն ու լաւագոյն մաղթանքները կը յղէ Եգիպտոսի ղեկավարութեան, ինչպէս նաեւ հայ եւ եգիպտացի ժողովուրդներուն՝ մաղթելով, որ գալիք տարին բոլորին համար բերէ բարօրութիւն, խաղաղութիւն եւ կայունութիւն։ Չնայած Եգիպտոսի եւ Հայաստանի միջեւ աշխարհագրական հեռաւորութեան, երկու երկիրները միաւորող խոր պատմական ու մարդասիրական յարաբերութիւնները, ինչպէս նաեւ Եգիպտոսի մէջ տասնամեակներ շարունակ գոյութիւն ունեցող հայ համայնքը, որ կը հանդիսանայ եգիպտական ազգային հիւսուածքի անբաժանելի մէկ մասը, ամուր հիմք կը ստեղծեն երկու ժողովուրդներուն միջեւ հաղորդակցութեան եւ փոխըմբռնումի համար։
Այս տարեշրջանային ուղերձը կը արտայայտէ ընդհանուր յոյս մը՝ ուրախութեան ու բարգաւաճման, ինչպէս նաեւ աւելի ապահով եւ կայուն ապագայի նկատմամբ, որ հիմնուած է փոխադարձ յարգանքի եւ այն համատեղ արժէքներուն վրայ, որոնք տարիներու ընթացքին միաւորած են երկու ժողովուրդները։ Մարմինը նաեւ կը շեշտէ, որ մշակութային եւ պատմական կապերը կը շարունակեն մնալ մերձեցման եւ համագործակցութեան մշտական կամուրջ՝ քաղաքական, մշակութային եւ հասարակական զանազան ոլորտներու մէջ։
Ապագային ուղղուած հայեացքով՝ Եգիպտոսի մէջ Հայ Դատի Մարմինը կը շեշտէ բոլոր ոլորտներուն մէջ համագործակցութեան ամրապնդման եւ փոխադարձ զօրակցութեան կարեւորութիւնը՝ իբրեւ համատեղ բարգաւաճման հասնելու ուղի։ Ջանքերու միաւորմամբ եւ փորձառութեան փոխանակումով հայ եւ եգիպտացի ժողովուրդները կրնան շարունակել կերտել դրական եւ ներառական ապագայ մը, որ պիտի ծառայէ իրենց համատեղ շահերուն եւ նպաստէ կայունութեան ամրապնդման։
Մարմինը նաեւ իր յոյսը կը յայտնէ, որ Նոր տարին խաղաղութիւն եւ կայունութիւն պիտի բերէ թէ՛ Եգիպտոսին, թէ՛ Հայաստանին, ինչպէս նաեւ ամբողջ տարածաշրջանին, եւ որ աշխարհը պիտի մտնէ նոր փուլ մը, ուր պիտի տիրէ արդարութիւնը, իսկ ժողովուրդները պիտի կարենան վերականգնել իրենց օրինական իրաւունքները եւ ապրիլ արժանապատիւ ու ապահով կեանքով։
Նոր տարուան սկիզբին Եգիպտոսի մէջ Հայ Դատի Մարմինը կը վերահաստատէ իր յանձնառութիւնը՝ ամրապնդելու մշակութային միասնութիւնը, համերաշխութիւնն ու ժողովուրդներուն միջեւ բարեկամութիւնը՝ բոլորին մաղթելով խաղաղութեամբ, կայունութեամբ, երջանկութեամբ եւ յաջողութիւններով լի տարի։
Գահիրէ, 01 Յունուար 2026
