Յունաստանի եւ Թուրքիոյ Բանակի Հրամանատարները հանդիպում պիտի ունենան վստահութեան ամրապնդման համար

Յունաստանի եւ Թուրքիոյ Բանակի Հրամանատարները հանդիպում պիտի ունենան վստահութեան ամրապնդման համար

Յունաստանի եւ Թուրքիոյ պաշտպանութեան նախարարները պայմանաւորուած են հանդիպում կազմակերպել վստահութեան ամրապնդման համար։ Տեղեկութիւնը Twitter-ի էջին յայտնած է Յունաստանի նախարար Նիքոս Տենտիասը։

«Վիլնիուսի մէջ ՆԱԹՕ-ի գագաթնաժողովի շրջածիրէն ներս ես հանդիպեցայ Թուրքիոյ պաշտպանութեան նախարար Եաշար Կիւլերի հետ: Մենք ընդգծեցինք դրական մթնոլորտի, հաղորդակցութեան ուղիներու եւ հանդիպումներու կարեւորութիւնը մեր երկկողմ յարաբերութիւններու եւ միջազգային իրաւունքի ու բարիդրացիական յարաբերութիւններու վրայ հիմնուած համագործակցութեան համար: Պայմանաւորուեցանք շփումներ պահպանել վստահութեան ամրապնդման միջոցառումներու շուրջ հանդիպում կազմակերպելու համար»,- գրած է Տենտիասը։