12.09c
Երեվան
կրկ, նմբ 23
Թուրքիոյ Ներքին գործոց նախարարութիւնը թոյլատրած է հետաքննութիւն սկսիլ մայրաքաղաքի քաղաքապետ Մանսուր Եաւաշի եւ անոր անձնական քարտուղար Նեւզաթ Ուզունօղլուի նկատմամբ՝ պաշտօնէական լիազօրութիւններու չարաշահման եւ հաշուեքննութեան ընթացակարգերու խախտման մեղադրանքով։
Անգարայի գլխաւոր դատախազութեան պահանջի հիմքով հետաքննութիւնը կը վերաբերի քաղաքապետարանի կողմէ մայրաքաղաքին մէջ յայտնի թուրք արուեստագէտներու համերգներու շարքի կազմակերպման՝ մրցոյթներու միջոցաւ:
Շարք մը վերահսկողական գործակալութիւններու եւ մարմիններու զեկոյցներու եւ Հաշուիչ դատարանի նախնական հետաքննութեան արդիւնքներուն համաձայն՝ քաղաքապետարանը 32 համերգներու ընթացքին կրած է 154.4 միլիոն լիրա (3.6 միլիոն տոլար) վնաս:
Հետաքննութեան ծիրէն ներս 23 սեպտեմբերին ձերբակալուած է 14 կասկածեալ, անոնց կարգին՝ նախկին քաղաքապետարանի պաշտօնեաներ եւ համերգներու կազմակերպման ծառայութիւններ մատուցող ընկերութեան ղեկավարներ: Անոնք կը մեղադրուին պաշտօնական լիազօրութիւններու չարաշահման եւ մրցոյթներուն համաձայնութեան մէջ: Այս գործով առաջին դատական նիստը պիտի կայանայ 6 յունուար, 2026-ին:
