19.48c
Երեվան
շբթ, մյս 17
Ռուսաստանի Արտաքին գործոց նախարարութիւնը յայտարարած է, որ Մոսկուան «ոչ անպայման սիմեթրիք, բայց չափուած եւ զգայուն պատասխան պիտի տայ ամերիկեան պատժամիջոցներուն»:
«Կասկածներ պէտք չէ ըլլան` պատժամիճջոցներուն պիտի տրուի հուժկու պատասխան»,- կ'ըսուի Ռուսաստանի ԱԳՆ-ի յայտարարութեան մէջ:
Ռուսաստանի արտաքին գերատեսչութիւնը կը պնդէ, որ ամերիկեան պատժամիջոցներու հետզհետէ ընդարձակուող եւ թիրախաւորուած փաթեթները պիտի չստիպեն Մոսկուան փոխել վարած քաղաքականութիւնը:
Յայտարարութեան մէջ կ'ըսուի, որ Ռուսաստանը բազմիցս ապացուցած է, որ պատժամիջոցներու պարագային կրնայ նուազեցնել վնասները:
«Միացեալ Նահանգներու արտաքին քաղաքականութիւնը դեռ կը գտնուի միաբեւեռ աշխարհի մասին կարծրատիպերու գերութեան մէջ, Ուաշինկթընը տակաւին համոզուած է, որ իրաւասու է աշխարհակարգի իր տեսլականը պարտադրել բոլորին: Հիմա արդէն սպառնալիքներէն, շանթաժէն եւ ահաբեկումներէն զատ ուրիշ միջոցներ չեն մնացած, բայց աշխարհի գերտերութիւններու ու նախեւառաջ Ռուսաստանի եւ առանցքային միւս դերակատարներու պարագային այդ չ'աշխատիր», յայտարարած է Ռուսաստանի արտաքին գերատեսչութիւնը:
«Թող ԱՄՆ-ի սպառնալիքներուն հլու-հնազանդ ենթարկուին ինքնուրոյնութիւնը ամբողջութեամբ կորսնցուցած իրենց արբանեակները եւ յաճախորդները», կ'ըսուի յայտարարութեան մէջ:
Միաժամանակ Ռուսաստանի ԱԳՆ-ն կը հաւատացնէ, որ Մոսկուան բաց է «փոխադարձ յարգանքի, իրաւահաւասարութեան եւ բոլոր կողմերուն շահերը հաշուի առնելու վրայ հիմնուած դիւանագիտութեան համար»:
