-1.91c
Երեվան
շբթ, նմբ 09
Քուէյթի մէջ յառաջիկայ Կիրակի, 24 հոկտեմբերէն սկսեալ, «Քորոնա» ժահրի կապակցութեամբ սահմանափակումները կը վերացուին պատուաստ ստացողներուն համար:
Այս մասին յայտարարութիւն տարածած է Քուէյթի Կառավարութիւնը:
Քուէյթի վարչապետ՝ Սապահ Խալէտ Ալ Համատ Ալ Սուպահ մամլոյ ասուլիսի ընթացքին ըսած է. «Կը յայտարարենք բնականոն եւ զգոյշ կեանքի վերադարձը, եւ կիրառումը հինգերորդ եւ վերջին փուլի ու վերացումը նախազգուշական որոշումներուն»:
Իր հերթին, կառավարութեան խօսնակ Թարէք Ալ Մարզամ պարզաբանած է, որ կառավարութիւնը կայացուցած է կարգ մը որոշումներ, որոնց մէջ յատկապէս նշուած է, թէ Իսլամական հարցերու նախարարութիւնը թոյլ տայ աղօթողներու մօտեցումը, անշուշտ նկատի առնելով, որ պէտք է պատուաստուած ըլլան եւ եւ ըլլան դիմակներով:
Վարչապետը նշած է նաեւ, թէ պիտի արտօնուին համագումարներն ու ընկերային առիթները, սակայն միայն պատուաստ ստացողներուն համար:
Քուէյթի կառավարութիւնը յանձնարարած է Ներքին գործոց նախարարութեան սկսիլ մուտքի անցագիրներ տալ պատուաստ ստացողներուն, ինչպէս նաեւ յանձնարարած է Քաղաքացիական օդագնացութեան կոմիտէին անցնիլ երրորդ փուլին եւ գործի դնել Քուէյթի Միջազգային օդակայանը իր ամբողջ կատարողականութեամբ:
Իր հերթին երկրի առողջապահութեան նախարար՝ Պասէլ Ալ Սապահ յայտարարած է, թէ անոնց համար, որոնք կ'ուզեն Քուէյթ մուտք գործել, կը շարունակուի նախկին կարգը «Քորոնա» ժահրի հետազօտութեան ու մեկուսացումներու վերաբերեալ:
Յիշեցնենք, որ Քուէյթ Սէուտական Արաբիայէն եւ Էմիրութիւններէն ետք Ծոցի 3-րդ երկիրն է որ կը վերացնէ համաճարակի սահմանափակումները:
