1.09c
Երեվան
ուրբ, նմբ 22
Պոլսոյ մէջ երկար տարիներէ ի վեր Լիսէի վերածուած «Սուրբ Խաչ Դպրեվանք»ի սաները օրերս պատուաբեր մրցանակի մը արժանացած են։
Այս մասին «Արեւելք» կը տեղեկանայ Պոլսոյ «Նոր Մարմարա»էն, որ այս մասին մասնաւորապէս կը գրէ՝
Ս. Խաչ Դպրեվանքի գիտութեան ակումբի սաները մեծ ձեռքբերում մը ունեցան միջվարժարանային գիտական մրցումի մը շրջագծով։ Այսպէս, խումբ մը սաներ 4 Յունիս Երեքշաբթի, մասնակցեցան «Բնութեան Առաջնորդներ» կարգախօսով երիտասարդական խորհրդաժողովին, որու կազմակերպիչն էր Համաշխարհային Բնապահպանութեան հիմնարկը։ Դպրեվանքցիները ներկայացուցին անձրեւաջուրերու պահպանութեան հետամուտ ծրագիր մը, որ մասնակից 250 ծրագիրներու մէջէն ընտրուեցաւ լաւագոյն 16 ծրագիրներու մէջ եւ յատուկ մրցանակի արժանացաւ որպէս «ամենաարդիւնաւէտ ծրագիր»։
Կը շնորհաւորենք դպրեվանքցի տղաքն ու իրենց ուսուցիչները։
