7.09c
Երեվան
ուրբ, հկտ 18
Վարչապետ Նիկոլ Փաշինեան ընդունած է Վրաստանի պաշտպանութեան նախարար Իրաքլի Չիքովանին։
Վարչապետը նշած է, որ Հայաստանի եւ Վրաստանի յարաբերութիւնները կը գտնուին բարձր մակարդակի վրայ եւ կարեւորած պարոն Չիքովանիի այցը: Նիկոլ Փաշինեան ընդգծած է, որ Հայաստանը շահագրգռուած է Վրաստանի հետ բազմաոլորտ համագործակցութեան խորացմամբ եւ զարգացմամբ:
Վարչապետն արդիւնաւէտ գնահատած է երկու երկիրներու պաշտպանական գերատեսչութիւններու միջեւ ծաւալած գործընկերութիւնը:
Իրաքլի Չիքովանին իր խօսքին մէջ կարեւորած է Հայաստանի պաշտպանութեան նախարարութեան հետ գործակցութիւնը եւ ատոր ընդլայնման միտուած ծրագրերը:
Զրուցակիցները միտքեր փոխանակած են պաշտպանական ոլորտի մէջ գործընկերութեան ամրապնդման, ինչպէս նաեւ տարածաշրջանային անվտանգութեան ու կայունութեան վերաբերող հարցերու շուրջ:
