Պէյրութի երկրորդ ընտրաշրջանի երկու ամենակարեւոր ընտրատեղամասերը՝ Քոլայի շրջանին մէջ Օմար Ֆարրուխի կեդրոնը եւ Պիր Հասան շրջանին մէջ Օմար Ֆախուրի կեդրոնը, ականատես կը դառնան քուէարկողներու զանգուածային մասնակցութեան:
«Lebanon Debate» կայքէն կը տեղեկանանք, որ երկու ընտրատեղամասերուն մէջ քուէարկութեան ընթացքին որեւէ խնդիր չէ յառաջացած, բացի որ շարունակական ձեւով ելեկտրական հոսանքը կ'ընդհատուի, եւ պատասխանատուները կ'աշխատին այս խնդիրը լուծել մինչեւ գիշեր: Բայց մտավախութիւն կայ, որ եթէ խնդիրը չլուծուի, այդ կրնայ իրարանցում յառաջացնել: