8.09c
Երեվան
չրք, մրտ 11
Ընտրական օրէնսգիրքի մէջ կատարուած են փոփոխութիւններ, որոնք ուժի մէջ մտած են փետրուար 7-ին: Ընտրութիւններու մասով Ազգային ժողովին վերաբերող փոփոխութիւններու համաձայն՝ կուսակցութիւններու անցողիկ շեմն իջած է՝ հասնելով 4 տոկոսի, դաշինքներու շեմը բարձրացած է 7-8 տոկոսի եւ 10 տոկոսի: Այդ մասին ասուլիսի ժամանակ ըսած է Կեդրոնական ընտրական յանձնաժողովի նախագահ Վահագն Յովակիմեանը:
«Մինչեւ 3 կուսակցութիւններից բաղկացած դաշինքներն 8 տոկոս շեմի ներքոյ են, իսկ 3 եւ աւելի կուսակցութիւններից բաղկացած դաշինքները 10 տոկոս անցողիկ շեմ պիտի յաղթահարեն»,-ըսած է ան:
Միւս փոփոխութիւնն այն է, որ կուսակցութիւններու պարագային գրաւի չափը 10 միլիոնէն իջեցուած է 7,5 միլիոնի, դաշինքներու պարագային սահմանուած է 15 միլիոն:
«Սա արուել է այն միտումով, որպէսզի օրէնսդրութիւնը նպաստի քաղաքական ուժերի խոշորացմանը, գաղափարակից քաղաքական ուժերն աւելի հակուած լինեն միաւորուելու, եւ կուսակցութիւնները խոշորանան»,- ըսած է ան։
