-5.91c
Երեվան
շբթ, փտր 22
Արցախի անկախութեան օրուայ առթիւ, 2 Սեպտեմբերին, Իշխանութեան վերնախաւը Արցախ չմեկնեցաւ:
«Հայաստանի նախագահի, վարչապետի, Ազգային ժողովի նախագահի Արցախ չայցելելը միանգամից մի քանի վատ ազդակի մասին կը խօսի»։ Այս մասին Դիմատետրի իր էջին վրայ գրած է ԱԺ-ի «Պատիւ ունեմ» խմբակցութեան պատգամաւոր՝ Տիգրան Աբրահամեան:
Ան, մասնաւորապէս, նշած է. «Ընդ որում՝ խօսքը միայն Արցախի համար խորհրդանշական օրերին չի վերաբերւում, այլ առհասարակ։
Բնականաբար Սեպտեմբերի 2-ին շատերը նկատել են Արցախում կայացած խորհրդանշական միջոցառումներին Հայաստանի ղեկավարների բացակայութեանը, սակայն նոյն այդ պաշտօնեաները պատերազմից յետոյ ընդհանրապէս չեն այցելել Արցախ։
Արցախի հարցն անտարբերութեան մատնելը, առաջնային օրակարգ չմղելը խօսում է այս իշխանութեան յստակ դիրքորոշման մասին։
Սա վերաբերմունք է Արցախի եւ արցախցիների վերաբերեալ։
Եթէ այս հարցը դիտարկենք նաեւ ատրպեճանական ճնշումների եւ վերջնագրերի շրջանակներում, ապա եթէ Հայաստանի իշխանութիւնը նոյնիսկ այս հարցում է շարժւում Ատրպէյճանի թելադրած խաղի կանոններով, ապա արդէն պարզ է, թէ իրադարձութիւնների այս գործընթացին ինչ հնարաւոր զարգացումներ են յաջորդելու։
Հայաստանի իշխանութիւնն իր դերը Արցախի հարցում տեսնում է միայն մարդասիրական հարցերում, ինչը եւս, կարծում եմ՝ ժամանակաւոր բնոյթ է կրելու։
Գործող իշխանութիւնը երկիրը մտցրել է պարտութիւնների շղթայ, որտեղ մեր երկիրը շարժւում է իր գլխին իջեցուած օրակարգով՝ ընդդէմ Հայաստանի եւ Արցախի շահերի»։
