9.09c
Երեվան
հնգ, ապր 18
Իրանի իշխանութիւնները կալանաւորած են 14 օտարերկրեայ պետութիւններու, այդ շարքին Ռուսիոյ քաղաքացիների՝ անկարգութիւններուն մասնակցելու պատճառով, տեղեկացուցած է Fars գործակալութիւնը։
Գործակալութեան տուեալներով՝ հետաքննութիւնը ցոյց տուած է, որ Աւստրիոյ, Աֆղանստանի, Մեծ Բրիտանիոյ, Ռուսիոյ, ԱՄՆ-ի, Ֆրանսայի քաղաքացիները ձերբակալուած են երկրին մէջ տեղի ունեցած վերջին անկարգութիւններու ժամանակ։ Անոնց մէջ ամէնէն շատը Աֆղանստանի քաղաքացիները եղած են, նշած է Fars-ը։
Գործակալութիւնը չէ նշած, թէ երբ կատարուած են կալանաւորումները եւ քանի օտարերկրացի կը պահուի կալանքի տակ Իրանի մէջ։
Սեպտեմբեր 30-ին իսլամական հանրապետութեան հետախուզութեան նախարարութիւնը տեղեկացուցած էր Գերմանիոյ, Իտալիոյ, Հոլանտայի, Լեհաստանի, Ֆրանսայի, Շուէտի եւ այլ երկիրներու ինը քաղաքացիներու կալանաւորման մասին։
