-8.91c
Երեվան
ուրբ, հնվ 31
Աղբիւրը նշած է, թէ նախաքննութիւն կը կատարուի ձերբակալուածներուն նկատմամբ, իսկ ընկերային հարթակներու անյայտ օգտատէրերու հետախուզութիւնը տակաւին կը շարունակուի:
Օրերս Հալէպ քաղաքին մէջ նկատուած է աւազակներու խմբաւորումի մը աշխոյժ գործունէութիւնը: Յանցախումբը տոլար վաճառելու պատրուակով, որուն օգտագործումը սառեցուած է Սուրիոյ մէջ, կը մօտենան քաղաքացիներու ու զէնքի սպառնալիքով կը կողոպտեն անոնց գումարները:
Հալէպ քաղաքի Անվտանգութեան մասնաճիւղը սկսած է հետախուզութիւն այս ուղղութեամբ: Անվտանգութեան աշխատակիցները բաւարար տեղեկութիւններ հաւաքելով ճշդած են այս աւազակներուն բնակած վայրը: Անոնք կրցած են ձերբակալել երեք հոգի՝ Մուհի Ալ Տին Հ., Մուխլէս Ա. եւ Իյատ Հ.:
Այս մասին «Արեւելք» կը տեղեկանայ UEPA կայքէն:
Ըստ աղբիւրին՝ ձերբակալման ժամանակ յանցագործները փորձած են փախչիլ: Անոնցմէ մէկը, դանակով հարուածած է քաղաքացիի մը, բարեբախտաբար քաղաքացիին տրամադրուած է բժշկական օգնութիւն ու փրկուած է, իսկ յանցագործը ձերբակալուած: Միւսը իր շարժակաւոր հեծելանիւով փախած ժամանակ զարնուած է պարեկային ինքնաշարժին եւ վնասած իր ոտքը, ուստի փոխադրուած է հիւանդանոց հսկողութեան տակ:
Ըստ անվտանգութեան մարմնի տուեալներուն՝ յանցագործներուն մօտ գտնուած են նաեւ թմրանիւթեր: Յանցագործները խոստովանած են, թէ ունին համացանցային մեղսակիցներ, որոնք ընկերային հարթակներու միջոցաւ, անյայտ օգտատէրի անունով տոլար վաճառել կ'առաջարկեն քաղաքացիներուն: Ապա երեք ընկերները, ոստիկանութեան տարազով կը մօտենան քաղաքացի յաճախորդին ու զէնքի սպառնալիքով կը կողոպտեն զանոնք: Ձերբակալուած յանցագործները նաեւ խոստովանած են, որ 2021-ին ալ կատարած են այսպիսի ապօրինի կողոպուտներ Համա քաղաքին մէջ:
Աղբիւրը նշած է, թէ նախաքննութիւն կը կատարուի ձերբակալուածներուն նկատմամբ, իսկ ընկերային հարթակներու անյայտ օգտատէրերու հետախուզութիւնը տակաւին կը շարունակուի:
