-0.91c
Երեվան
երք, դկտ 03
Օրերս, AMAA-ը հիւրընկալած էր ՀՀ Ճարտարարուեստ նախարարի տեղակալ Արման Խոջոյեանը, որուն AMAA Հայաստանի տնօրէն Արէն Տէյիրմենճեանը ներկայացուցած է Տաւուշի մարզի Տաւուշ գիւղի մէջ իրականացուող ԼՂ-էն բռնի տեղահանուած անձանց վերաբնակեցման եւ համարկման ծրագիրը:
Այս մասին «Արեւելք» իմացաւ պաշտօնական կայքէն։
Ստորեւ տրուած լրատւութիւնը։
AMAA-ը հիւրընկալած էր ՀՀ ճարտարարուեստի նախարարի տեղակալ Արման Խոջոյեանը:
AMAA Հայաստանի տնօրէն Արէն Տէյիրմենճեանը, գործերու կառավարիչ Նարեկ Թութխալեանը եւ զարգացման ղեկավար Նելլի Ղուլեանը ներկայացուցած են Տաւուշի մարզի Տաւուշ գիւղին մէջ իրականացուող ԼՂ-էն բռնի տեղահանուած անձանց վերաբնակեցման եւ համարկման ծրագիրը:
Քննարկուած են կառուցուող բնակելի տուներուն կից գիւղատնտեսական եւ զբօսաշրջային ենթակառուցուածքներու ստեղծման հնարաւորութիւնները:
Արման Խոջոյեանը բարձր գնահատած է AMAA-ի գործունեութիւնը: Երկուստեք կարեւորուած է համայնքային զարգացման եւ բնակչութեան համար կենսաապահովման երկարաժամկէտ հնարաւորութիւններ ստեղծելու մոտելը:
Պայմանաւորուածութիւն ձեռք բերուած է շարունակելու համատեղ աշխատանքները կառավարութեան եւ միջազգային գործընկերներու հետ՝ Տաւուշի զարգացման ծրագրի ընդլայնման, ինչպէս նաեւ AMAA կրթական նախաձեռնութիւններու շրջածիրէն ներս գիւղատնտեսութեան ոլորտի ուսուցման ծրագրերու ներդրման նպատակով:
