7.09c
Երեվան
ուրբ, փտր 20
Երէկ Գեղարքունիքի մարզի Նորաբակ բնակավայրի հատուածին մէջ ատրպէյճանական կողմի արձակած կրակոցներուն հետեւանքով զոհուած ժամկէտային զինուոր, 19-ամեայ Սուրէն Եուրիկի Սաֆարեանը Արագածոտնի մարզի Ալագեազ համայնքէն էր:
Համայնքի ղեկավար Ճասմ Մախմուտովը տեղեկացուց, որ զոհուած զինուորը ազգությեմբ եզտի էր, բանակ զօրակոչուած էր նախորդ տարի՝ ծառայութեան մէկ տարին արդէն լրացած էր:
«Ընտանիքը բաղկացած է 7 անդամէ՝ նրա ծնողները, երկու քոյրերը, որոնք ամուսնացած են, երկու եղբայրները, որոնք երկուսն էլ ծառայել են բանակում, մէկը՝ 44-օրեայ պատերազմի մասնակից է, եւ Սուրէնն էր: Ընտանիքը գիւղում է ապրում՝ հայրը սարում էր աշխատում, որպէսզի կարողանար ընտանիքը պահել», յայտնեց համայնքի ղեկավարը:
Պաշտպանութեան նախարարութեան հաղորդագրութեան համաձայն՝ Նոյեմբեր 22-ին՝ ժամը 18։10-ի սահմաններուն, Ատրպէյճանի զինուած ուժերու ստորաբաժանումները տարբեր տրամաչափի հրաձգային զինատեսակներէ կրակ բացած են հայ-ատրպէյճանական սահմանին, մասնաւորապէս՝ Գեղարքունիքի մարզի Նորաբակ գիւղի հատուածին մէջ տեղակայուած հայկական դիրքերուն ուղղությամբ:
Ժամը 19։30-ի դրութեամբ՝ փոխհրաձգութիւնը դադրած էր։
