5.09c
Երեվան
ուրբ, նմբ 22
Ֆրանսայի հռոմէական կաթոլիկական դասակարգութեան աւագ անդամները ծունկի եկած են Լուրտի սրբավայրին մէջ՝ ի նշան զղջման, մէկ օր անց այն բանէն յետոյ, երբ եպիսկոպոսները ընդունած են եկեղեցւոյ պատասխանատուութիւնը տասնամեակներու ընթացքին երեխաներու նկատմամբ բռնութեան համար:
Լուրտի մէջ, որ քրիստոնեաներու ուխտագնացութեան վայրն է, մօտաւորապէս 120 արքեպիսկոպոսներ, եպիսկոպոսներ եւ աշխարհականներ հաւաքուած էին լուսանկարի բացման, ուր պատկերուած էր քանդակ մը, որ կը ներկայացնէր լացող երեխայի գլուխը: Տուժածներու խնդրանքով հոգեւորականները արարողութեան համար չեն հագած իրենց կրօնական հագուստը։
Պատը, որու վրայ փակցուած է լուսանկարը, զոհերուն համար պիտի ծառայէ որպէս «յիշողութեան վայր»։ Լուսանկարը կատարուած է բռնութեան զոհերէն մէկուն կողմէ: Բացի այդ, անոր կրած տառապանքը մանրամասն նկարագրուած է մէկ այլ վերապրածի կարդացած հատուածին մէջ:
Մէկ օր առաջ, իրենց տարեկան համաժողովին քուէարկութենէն յետոյ, Ֆրանսայի եպիսկոպոսները վերջապէս պաշտօնապէս ընդունած են, որ կաթոլիկ եկեղեցին կը կրէ «պատասխանատուութիւն» մանկապղծութեան հազարաւոր դէպքերու համար: Համաժողովը նաեւ ընդունած է, որ եկեղեցին թոյլ տուած է, որ չարաշահումները դառնան «համակարգային»:
Սեռային բռնութեան դէպքերը, որոնք կը հասնին մինչեւ 1950-ական թուականները եւ կ'առնչուին առնուազն 216.000 անչափահասի, մանրամասն նկարագրուած են մէկ ամիս առաջ հրապարակուած անկախ զեկոյցի մէջ, ուր կը խօսուի գայթակղութեան վրայ նետուած «լռութեան վարագոյրի» մասին:
