4.09c
Երեվան
չրք, մրտ 04
Միացեալ Նահանգներու Արտաքին գործոց նախարարութիւնը Փաքիստանի Լահոր եւ Քարաչի քաղաքներուն մէջ գտնուող Միացեալ Նահանգներու հիւպատոսութիւններուն, ինչպէս նաեւ Կիպրոսի մէջ գտնուող դեսպանութեան՝ կարեւոր գործառոյթ չունեցող աշխատակիցներուն հրահանգած է հեռանալ։
Այս մասին յայտնած են Փաքիստանի մէջ Միացեալ Նահանգներու դեսպանատունը, ինչպէս նաեւ կիպրական Politis պարբերականը։
«Միացեալ Նահանգներու Արտաքին գործոց նախարարութիւնը կարգադրած է Փաքիստանի Լահոր եւ Քարաչի քաղաքներուն մէջ գտնուող հիւպատոսութիւններուն մէջ Միացեալ Նահանգներու կառավարութեան՝ արտակարգ իրավիճակներուն հետ կապ չունեցող աշխատակիցներուն եւ անոնց ընտանիքներուն լքել Փաքիստանը՝ անվտանգութեան սպառնալիքներուն պատճառով»,– նշուած է հաղորդագրութեան մէջ։
Իսլամապատի մէջ Միացեալ Նահանգներու դեսպանատան աշխատանքին մէջ փոփոխութիւն չկայ։
Արտաքին գործոց նախարարութիւնը նոյն պատճառով լիազօրած է Կիպրոսի մէջ Միացեալ Նահանգներու դեսպանատան աշխատակիցներուն եւ անոնց ընտանիքներու անդամներուն հեռանալ երկրէն։ Միացեալ Նահանգներու քաղաքացիներուն նաեւ խորհուրդ տրուած է վերանայիլ դէպի Կիպրոս իրենց ճամբորդութիւնները։ Ըստ Politis պարբերականին, որ կը վկայակոչէ դիւանագիտական աղբիւրներու, այս քայլը ձեռնարկուած է որպէս նախազգուշական միջոցառում եւ չենթադրեր, որ կայ անմիջական սպառնալիք։
