-1.91c
Երեվան
հնգ, դկտ 25
Ուքրանիոյ նախագահ՝ Վլատիմիր Զելենսքին կը բանակցի շարժապատկերի արուեստներու եւ գիտութիւններու ակադեմիային հետ, որպէսզի «Օսքար» մրցանակաբաշխութեան կիրակնօրեայ հեռարձակման ընթացքին հանդէս գայ տեսաուղերձով․ կը տեղեկացնէ New York Post-ը։
Նշուած է, որ ակադեմիոյ պաշտօնեաները դեռ կը քննարկեն՝ արդեօք կ'արժէ, որ Զելենսքին հանդէս գայ ելոյթի ընթացքին: Պարզ չէ նաեւ, թէ պիտի ըլլայ ուղիղ միացումով, թէ տեսագրութեամբ։ Աղբիւրները ըսած են, որ բանավէճը այն հարցի շուրջ է, թէ արդեօք «Օսքար»ը պէտք է ապաքաղաքական մնայ՝ ՌԴ-ի Ուքրանիա ներխուժման ֆոնին։
Ակադեմիան հրաժարած է մեկնաբանել այս տեղեկութիւնը:
ABC հեռատեսիլային ալիքը, որ կը հեռարձակէ մրցանակաբաշխութիւնը, ըստ լուրերուն, կողմ է, որ նախկին դերասան՝ Զելենսքին յայտարարութեամբ հանդէս գայ: Լրատուամիջոցը, սակայն, նոյնպէս չէ մեկնաբանած այս տեղեկութիւնը։
Միեւնոյն ժամանակ կարծիք կայ, որ Ուքրանացի դերասանուհի՝ Միլա Քունիս, որ իր ամուսնոյն՝ Էշթըն Քութչըրի հետ 35 միլիոն տոլար հաւաքած է Ուքրանիայէն փախստականներու համար, յայտարարութեամբ հանդէս պիտի գայ մրցանակաբաշխութեան ժամանակ:
