-6.91c
Երեվան
երկ, դկտ 29
Արի հովիւ եւ արդար առաջնորդ ահա այս բառերով կարող ենք բնութագրել Հայաստանեայց Առաքելական Եկեղեցւոյ Պրազիլիոյ հայոց Թեմի Առաջնորդ Գերշ. Տ. Նարեկ եպս.ը։ Կրօնական գործիչի բովանդակ տեսակով, կեցուածքով եւ յատկապէս նոր սերունդներուն հետ գործելու, անոնց խօսքն ու ձայնը ունակութեամբ ու մանաւանդ այդ շնորհով շատ այլ հոգեւոր գործիչներէ կը զատորոշուի մեր սրբազանը։
Ու այդ արժանիքներուն համար ալ օրերս ան մեծ պատիւի արժանացած է Սաո Փաուլոյի մէջ։
Կը ներկայացնենք այդ մասին հակիրճ լրատւութիւնը եւ նորանոր նուաճումներ կը մաղթենք Գերմ. Տ. Նարեկ եպս. Պէրպէրեանին։
Համայնքի կեանքին նուիրած ծառայութեան համար բարձր գնահատականի արժանացաւ Պրազիլի Հայոց Թեմի առաջնորդ Գրշ. Տ. Նարեկ եպս. Պէրպէրեանը:
Այսօր Պրազիլի Սան Պաուլոյ հայաշատ քաղաքին մէջ տեղի ունեցաւ մշակութային միջոցառում՝ նուիրուած Պրազիլի մէջ ապրող տարբեր ազգերու համայնքներուն համար: Միջոցառման նպատակներէն մէկն էր պատուել համայնքային կեանքի մէջ կարևոր ներգրաւում ունեցող անձանց: Այս տարի հայկական համայնքէն առաջադրուած էր Պրազիլի Հայոց Թեմի թեմակալ առաջնորդ Գրշ. Տ. Նարեկ եպս. Պէրպէրեանը:
Սրբազան հօր քրտնաջան աշխատանքը հայ համայնքին մեկտեղած է եկեղեցւոյ շուրջը՝ այսպիսով զարգացնելով եւ արմատացնելով հայ հոգևոր եւ ազգային արժեքները: Շնորհակալութիւն հայկական համայնքի այն ներկայացուցիչներուն որոնք առաջադրեցին սրբազան հօր թեկնածութիւնը:
