-0.91c
Երեվան
ուրբ, հնվ 10
Հոլիվուտեան յայտնիներու տուները աւերակներու վերածուած են Քալիֆորնիոյ մէջ, հսկայական անտառային հրդեհներու պատճառով։
Զոհերու թիւը հինգի հասած է, մինչ հրշէջները կը շարունակեն պայքարիլ դժոխային պայմաններու դէմ՝ առնուազն հինգ տարբեր հրդեհներու դէմ։
Աւերուած տուներու թուին կը պատկանի՝ Էնթընի Հոփքինսի, Ճօն Կուտմընի, Փերիս Հիլթընի, Մայլս Թէյլըրի, Պիլ Քրիսթըլի տուները, մինչդեռ տասնեակ այլ աստղեր այժմ անհանգիստ սպասումներու մէջ են՝ տեսնելու, թէ արդեօք ինչ-որ բան կրնան փրկել:
«Բառերը չեն կրնար նկարագրել այն աւերածութիւններու ահռելի չափերը, որոնց ականատես եղած ենք: Մենք կը սգանք մեր ընկերներուն եւ դրացիներուն հետ, որոնք այս ողբերգութեան ժամանակ եւս կորսնցուցած են իրենց տուներն ու առեւտուրի կեդրոնները»,- ըսած է Պիլ Քրիսթըլը։ «Ես ու Ճենիսը կ’ապրինք մեր տան մէջ 1979 թուականէն ի վեր: Այստեղ պարելով մեծցուցած ենք մեր երեխաներն ու թոռնիկները։ Մեր տան իւրաքանչիւր մասը լեցուած էր սիրով: «Հրաշալի յիշողութիւններ, որոնք հնարաւոր չէ ջնջել», - աւելցուցած էր ան:
Փերիս Հիլթընն ալ ըսած է որ Մալիպուի իր տունն ալ հրկիզուած է եւ ինք այդ մասին գիտցած է ուղիղ եթերը ժամանակ:
Օսքարի առաջադրուած դերասան Ճէյմս Ուուտսը նկարներ հրապարակած է, ուր կը պատկերուի իր տունը, որ միւսներէն երկու փողոց հեռու կը գտնուի եւ ամբողջութեամբ այրած է:
52-ամեայ Աֆլաք կ՚ապրի իր նախկին կնոջէն ոչ շատ հեռու, որմէ ան ունի երեք զաւակ։ Աֆլէքը շտապած է իրենց քով՝ վերցնելու իր ընտանիքը, DailyMail.com-ին յայտնած են աղբիւրները:
Ան գնած է 20 միլիոն տոլար արժողութեամբ շքեղ առանձնատուն մը Pacific Palisades-ի մէջ, ընդամէնը հինգ ամիս առաջ՝ Ճէյ Լոյէն բաժնուելէն ետք։
Պարզ չէ, թէ արդեօք տունը փրկուած է այս դժոխքէն, թէ ոչ։
