10.03c
Երեվան
հնգ, ապր 23
Հայ Աւետարանական Բեթէլ եկեղեցւոյ մէջ, օրերս, տեղի ունեցած է Սուրբ Հաղորդութեան պաշտամունք, որու աւարտին Վեր. Նատիմ Նասսար եւ Սուրիոյ Հայ Աւետարանական Համայնքի պետ Վեր. Դոկտ. Յարութիւն Սելիմեանի համատեղ գլխաւորութեամբ կատարուած է Սուրբ Հաղորդութեան մատակարարումը։
Այդ մասին «Արեւելք» տեղեկացաւ Սուրիոյ Հայ Աւետարանական Համայնքի պաշտօնական էջէն։
Ստորեւ տրուած հաղորդագրութիւնը
Կիրակի, 1 Մարտ 2026-ին, Հայ Աւետարանական Բեթէլ Եկեղեցիէն ներս տեղի ունեցաւ Հաղորդութեան պաշտամունք։ Օրուան պատգամը մատուց Վեր. Նատիմ Նասսար, հիմնուած Ղուկաս 15:11–32-ի համարներուն, «Անառակ որդի»ի առակին մասին, հրաւէր տալով ժողովուրդին ճշմարիտ ապաշխարութեան եւ Հօր անսահման կարեկցութեան ու փոխադրիչ սիրոյ նոր գնահատումը ապրելու։ Վերապատուելին կոչ ուղղեց պաշտամունքի մասնակիցներուն խորհելու իրենց անձնական ճանապարհորդութեան մասին՝ վերադարձի եւ Տէրոջ հետ հաղորդակցութեան ուղիղ ուղի գտնելու։
Պաշտամունքի աւարտին Վեր. Նատիմ Նասսարի եւ Սուրիոյ Հայ Աւետարանական Համայնքի Պետ Վեր. Դոկտ. Յարութիւն Սելիմեանի համատեղ գլխաւորութեամբ տեղի ունեցաւ Սուրբ Հաղորդութեան մատակարարում, այնեւհետեւ պաշտամունքը իր աւարտին հասաւ առաքելական օրհնութեան փոխանցումով։
