0.09c
Երեվան
երք, դկտ 31
Այսօր 1999 թվական հոկտեմբերի 27-ի ահաբեկչական գործողության 16-րդ տարին է: 16 տարի առաջ Հայաստանի Հանրապետության Ազգային ժողովի հերթական նստաշրջանի կառավարության հարց ու պատասխանի ժամանակ տեղի ունեցած աննախադեպ ահաբեկչությանը զոհ գնացին ՀՀ ԱԺ նախագահ Կարեն Դեմիրճյանը, վարչապետ Վազգեն Սարգսյանը, 6 այլ պետական գործիչներ ու ԱԺ պատգամավորներ, վիրավորվեցին 8 հոգի, իսկ 91 հոգի մեկ օր պատանդ պահվեցին ԱԺ նիստերի դահլիճում:
Ահաբեկչությունը իրականացրած 7 ահաբեկիչների դատավճիռը հրապարակվեց 2003 թվականի դեկտեմբերի 2-ին: Նորք-Մարաշ շրջանային դատարանի դատավոր Սամվել Ուզունյանը ոճրագործությունն իրականացրած ահաբեկիչների հանդեպ կայացրեց վճիռ, ըստ որի՝ 6 հոգի դատապարտվեցին ցմահ, իսկ մեկը՝ 14 տարվա ազատազրկման: Անմիջական գործողությունն իրակացնողները 5-ն էին` Նաիրի եւ Կարեն Հունանյանների առաջնորդությամբ:
