7.09c
Երեվան
չրք, փտր 18
Հայաստանի երրորդ քաղաքի՝ Վանաձորի ներկայացուցչական մարմինի ընտրութիւններուն բոլոր 63 ընտրատեղամասերու արդիւնքներու մշակման արդիւնքներով վստահ յաղթանակ տարած է «Մամիկոն Ասլանեան» ընդդիմադիր դաշինքը՝ նախկին քաղաքապետի գլխաւորութեամբ։ Անոր օգտին քուէարկած է ընտրողներուն 38.71 տոկոսը (12.810)։
ՀՀ վարչապետ Նիկոլ Փաշինեանի իշխող «Քաղաքացիական պայմանագիր» կուսակցութիւնն ստացած է 25.06 տոկոս (8295) աջակցութիւն։ Անսպասելի բարձր արդիւնք է գրանցած քիչ-յայտնի՝ Հայաստանի աշխատանքային սոցիալիստական կուսակցութիւնը։ Այն հաւաքած է ձայներուն 14.53 տոկոսը (4809):
Չորրորդ հորիզոնականին Արթուր Վանեցեանի «Հայրենիք» կուսակցութիւնն է, որ ստացած է 4.48 տոկոս (1483 ձայն), անոր կը յաջորդէ «Ապրելու երկիր» կուսակցութիւնը՝ 4.29 տոկոս ձայնով (1420):
Մնացած 5 մրցակիցները Վանաձորի աւագանի չեն անցած, քանի որ չեն յաղթահարած 4 տոկոսի շեմը: Անոնց արդիւնքները հետեւեալն են.
«Լուսաւոր Հայաստան»՝ 3.96 տոկոս (1313),
«Բարգաւաճ Հայաստան» կուսակցութիւն՝ 2.97 տոկոս (984),
«Հանրապետութիւն» կուսակցութիւն՝ 2.64 տոկոս (874),
«Ալյանս» առաջադիմական ցենտրիստական կուսակցութիւն՝ 2.06 տոկոս (683)։
Իսկ վերջին տեղը Հայաստանի Կոմունիստական կուսակցութիւնն է` 1.26 տոկոս (419 ձայն)։
