5.09c
Երեվան
ուրբ, նմբ 22
Թրքական շարք մը լրատուամիջոցներ անդրադարձած են Թուրքիոյ մէջ Ֆրանսայի նորանշանակ դեսպան Իզապէլ Տիումոնթին, որ այս շաբաթ իր հաւատարմագիրները պիտի յանձնէ Թուրքիոյ նախագահ Ռէճէպ Թայէպ Էրտողանին ու ստանձնէ իր պարտականութիւնները:
Հրապարակման մէջ նշուած է, որ նախապէս Տիւմոնթ եղած է Եւրոպայի ու Թուրքիոյ հետ յարաբերութիւններու հարցով Ֆրանսայի նախագահի խորհրդականը: Հրաշալի կը տիրապետէ թրքերէնին։
Նշուած է, որ Տիւմոնթ բազմիցս քննադատած է քիւրտ զինեալներու դէմ, Թուրքիոյ ռազմական գործողութիւնները Սուրիոյ մէջ, որոնց Անգարան կը համարէ ահաբեկիչներ:
Մասնաւորապէս նշուած է, որ մինչ Թուրքիան Լեռնային Ղարաբաղի շուրջ հայ-ատրպէյճանական վերջին լարուածութեան լիովին անցած է Պաքուի կողմը, Ֆրանսան եւ Եւրոպական Միութիւնն Ատրպէյճանին կոչ կ'ընեն հեռու մնալու այնպիսի քայլերէ, որոնք կրնան տարածաշրջանին մէջ մարդասիրական խնդիրներ ստեղծել:
Ըստ կայքին` Ֆրանսան կը ցանկայ, որ Թուրքիան օգտագործէ իր ազդեցութիւնն Ադտրպէյճանի վրայ՝ Պաքուի եւ Երեւանի միջեւ «համապարփակ խաղաղութեան» պայմանագիրի հասնելու համար։
Ընդհանուր առմամբ թրքական մամուլը դեսպանը կը ներկայացնէ որպէս Թուրքիոյ թշնամի։
