5.09c
Երեվան
հնգ, դկտ 25
Ռուսիան դեռ որեւէ լուրջ բան չէ սկսած Ուքրանիոյ մէջ: Այս մասին յայտարարած է Ռուսիոյ նախագահ Վլատիմիր Փութին` խօսելով յատուկ գործողութեան մասին:
«Բոլորը պէտք է իմանան, որ մենք, մեծ հաշուով, որեւէ լուրջ բան դեռ չենք սկսած Ուքրանիոյ մէջ», ըսած է ան Պետտումայի խմբակցութիւններու առաջնորդներուն հետ հանդիպման ժամանակ:
Անոր խօսքով` Արեւմուտքի այն յայտարարութիւնը, թէ մտադիր է պատերազմիլ մինչեւ «վերջին ուքրանացին», ողբերգութիւն է Ուքրանիոյ ժողովուրդին համար, եւ, ամենայն հաւանականութեամբ, անխուսափելի:
«Այսօր մենք կը լսենք, որ մեզի կ'ուզեն յաղթել մարտի դաշտին վրայ: Թող փորձեն: Մենք արդէն լսած ենք, որ Արեւմուտքը պատրաստ է պատերազմելու մինչեւ վերջին ուքրանացին: Սա ողբերգութիւն է Ուքրանիոյ ժողովուրդին համար, եւ, ամենայն հաւանականութեամբ, անխուսափելի», ըսած է Փութին:
Ան յայտարարած է, որ Ռուսիան պիտի չհրաժարի Ուքրանիոյ հետ խաղաղութեան շուրջ բանակցութիւններէ:
«Նոյնիսկ այդ նոյն Հիւսիսատլանտեան դաշինքին Ռուսիոյ հնարաւոր համարկման գաղափարը ՆԱԹՕ-ի հետ այն ժամանակուայ անամպ թուացող յարաբերութիւններու փուլին, ակնյայտօրէն, անհեթեթ կը թուէր անոր անդամներուն», յաւելած է Փութին:
