0.09c
Երեվան
հնգ, դկտ 26
Ատրպէյճանի մէջ Ռուսաստանի դեսպան Միխայիլ Պոչարնիքովը հերքած է շարք մը լրատուամիջոցներու մէջ յայտնուած այն տեղեկութիւնները, որոնց համաձայն, Լեռնային Ղարաբաղի մէջ տեղակայուած ռուսաստանցի խաղաղապահներուն մէկ մասը տեղափոխուած է Ուքրանիա` ռազմական գործողութիւններուն մասնակցելու նպատակով:
Անոր հետ մէկտեղ ռուսաստանցի դիւանագէտը չէ մեկնաբանած Ասկերանի շրջանին մէջ վերջին օրերուն ծաւալած իրադարձութիւնները:
Անդրադառնալով Պետտումայի պատգամաւոր Միխայիլ Տելեակինի` Ատրպէյճանի նաւթային ենթակառոյցները ռմբակոծելու օրերս հնչած կոչին, դեսպան Պոչարնիքովը նշած է․ «Կը կարծեմ, որ նման յայտարարութիւնները անընդունելի են եւ կը վնասեն Ռուսաստանի եւ Ատրպէյճանի յարաբերութիւններուն»:
