12.09c
Երեվան
չրք, հկտ 15
Եգիպտոսի եւ Կազայի հատուածին սահմանը գտնուող «Ռաֆահ» անցակէտը պիտի չըլլայ պաղեստինցիներու վերաբնակեցման սահմանային անցակէտ, յայտարարած է Եգիպտոսի արտաքին գործոց նախարար Պատր Ապտելաթի։
««Ռաֆահ»ը սահմանային անցակէտ է մարդոց Կազայի հատուած մուտք գործելու եւ մարդասիրական ու բժշկական օգնութիւն ներմուծելու համար։ Այն չ'ըլլար պաղեստինցիները իրենց տարածքէն վտարելու անցակէտ։ Ասիկա Եգիպտոսի անսասան դիրքորոշումն է, որ չի փոխուիր»,- ըսած է Ապտելաթին:
Եգիպտոսի արտաքին գործոց նախարարը կրկին յայտարարած է, որ պաղեստինցիներու վերաբնակեցման հարցը «կարմիր գիծ» է արաբական երկիրներուն համար՝ նշելով, որ թոյլ պէտք չէ տրուի ոչ մէկ պարագայի:
Ան դատապարտած է պաղեստինցիներու տեղահանումը, անհեթեթ է որակել փաստը, որ Իսրայէլ այն կը ներկայացնէ որպէս կամաւոր տեղահանութիւն։ Արտաքին գործոց նախարարի խօսքով՝ Կազայի մէջ նաեւ սովի պայմաններ ստեղծուած են, ինչ որ եւս մէկ պատճառ է պաղեստինցիներու տեղահանումն արդարացնելու համար: Պատր Ապտելաթին յայտնած է, որ զրուցած է Միացեալ Նահանգներու յատուկ բանագնաց Սթիւ Ուիթքոֆի հետ եւ քննարկած հրադադարին ուղղուած ջանքերը։ Ան մեղադրած է Իսրայէլը, որ կը շարունակէ չզիջիլ եւ չերթալ այն գործարքին, որուն համաձայնած է պաղեստինեան «Համաս» շարժումը։
Իսրայէլ դեռ որեւէ արձագանգ չէ տուած միջնորդներուն ներկայացուցած՝ Կազայի հատուածին մէջ հրադադարի վերջին առաջարկին, չնայած այն հանգամանքին, որ «Համաս» նախապէս համաձայնած է իրեն համար ընդունելի պայմաններուն։
