7.09c
Երեվան
ուրբ, փտր 20
Արդէն տեւական ժամանակ է, որ առաջնագիծի տարբեր հատուածներու էջ տեղի են կ'ունենան ռազմական գործողութիւններ, և միաժամանակ աննախադէպ երեւոյթ տեղի կ'ունենայ Հայաստանի պաշտպանական ոլորտին մէջ։ Այս մասին Պաշտպանութեան եւ անվտանգութեան յանձնաժողովի արտահերթ նիստին ըսաւ «Հայաստան» խմբակցութեան պատգամաւոր Գեղամ Մանուկեանը։
«Հանրութիւնը զրկւում է ամբողջական լրատուութիւն ստանալու հնարաւորութիւնից։ Վստահ եմ՝ բոլորը գիտակցում են` ինչ վտանգներով է յղի, երբ հանրութիւնը տեղեկութիւն չստանալու պարագայում հայեացքն ուղղում է թշնամական պետութիւնների տեղեկատուական աղբիւրներին։ Բայց այս անգամ եւս մէկ աննախադէպ բան է արձանագրուել․ ՊՆ-ն իր գործունեութեան ողջ ընթացքում առաջին անգամ պաշտօնական մամլոյ հաղորդագրութեամբ տեղեկացնում է հանրութեանը, որ կան զոհեր, բայց չի հրապարակւում զոհերի թիւ, չեն հրապարակւում անուններ։ Արդիւնքում հանրութեան մէջ՝ յատկապէս առաջնագծում ծառայող զինծառայողների ծնողների մէջ ստեղծւում է սարսափելի յուզական վիճակ»։
Մանուկեանը յիշեցրեց, որ իշխանական պատգամաւորն ԱԺ բարձր ամբիոնից խօսել է զոհուածների թիւի մասին, որը հետագայում չի հաստատուել։
«Իշխանութեան հետ առնչութիւն ունեցող լրատուամիջոցներով յստակ թիւեր են հրապարակւում, ստեղծւում է անորոշ եւ խառնաշփոթ իրավիճակ։ Կարծում եմ, որ յանձնաժողովի նախագահը պէտք է կազմակերպեր արտահերթ նիստ հէնց այս հարցերը քննարկելու համար, այս պայմաններում գալ ու այս հարցը քննարկել, տարօրինակ է», ըսաւ Գեղամ Մանուկեանը։
