Նիկոլ Փաշինեանի հետ հանդիպումն արդիւնաւէտ էր։ Այս մասին գրած է Վրաստանի վարչապետ Իրաքլի Քոպախիձէն X-ի իր էջին։
«Վստահ եմ՝ այն պիտի նպաստէ Վրաստանի եւ Հայաստանի միջեւ համագործակցութեան ամրապնդման»,– նշած է ան։
Յիշեցնենք, որ ՀՀ վարչապետ Նիկոլ Փաշինեանն աշխատանքային այցով Վրաստան կը գտնուի։ Ան հանդիպած է Վրաստանի վարչապետի հետ, որմէ ետք գրառում կատարած էր՝ արդիւնաւէտ գնահատելով հանիպումը։