17.09c
Երեվան
երք, մյս 05
Փաքիստանը կը դատապարտէ Արաբական Միացեալ Էմիրութիւններու (ԱՄԷ) տարածքին հասցուած հարուածները։ Ըստ Փաքիստանի վարչապետ Շեհպազ Շարիֆին՝ անհրաժեշտ է ապահովել Ամերիկայի եւ Իրանի միջեւ հրադադարի դրութեան պահպանումը եւ երկխօսութեան համար հնարաւորութիւն ստեղծել։ Այս մասին ան գրած է X-ի իր էջին վրայ։
«Փաքիստանը վճռականօրէն կը դատապարտէ անցեալ գիշեր հրթիռներով եւ անօդաչու թռչող սարքերով կատարուած յարձակումները Արաբական Միացեալ Էմիրութիւններու մէջ քաղաքացիական ենթակառուցուածքներուն դէմ… Չափազանց կարեւոր է, որ հրադադարի դրութիւնը պահպանուի՝ ապահովելու համար երկխօսութեան անհրաժեշտ դիւանագիտական տարածքը, որ պիտի տանի տարածաշրջանին մէջ կայուն խաղաղութեան եւ կայունութեան»,- գրած է ան՝ իր աջակցութիւնը յայտնելով էմիրաթցիներուն եւ ԱՄԷ կառավարութեան «այս դժուար պահուն»։
Մայիս 4-ին ԱՄԷ-ն ենթարկուած է հրթիռակոծումներու եւ անօդաչու թռչող սարքերու յարձակումներու, որու հետեւանքով Ֆուճէյրայի էմիրութեան նաւթավերամշակման համալիրի տարածքին մէջ խոշոր հրդեհ բռնկած է։ ԱՄԷ-ն հարուածներուն համար մեղադրած է Իրանը եւ խոստացած է պատասխան տալ այս գրոհին։
