-2.91c
Երեվան
ուրբ, դկտ 27
ԱՄՆ նախագահ Ճօ Պայտըն հրաժարած է Քիեւի Փուչա արուարձանին մէջ տեղի ունեցած իրադարձութիւնները համարել «ցեղասպանութիւն», զայն անուանած է «ռազմական յանցագործութիւն»:
Նշենք, որ Ուքրանիոյ Փուչա արուարձանին մէջ յայտնաբերուած են խաղաղ բնակիչներու կոտորածներու ապացոյցներ: Կապուած ձեռքերով, մօտ տարածութենէն հրազէնային վնասուածքներով եւ խոշտանգումներու նշաններով դիերը ցրուած էին Փուչայի հատուածին մէջ, ռուս զինուորականներու՝ տարածքը լքելէն ետք:
Ուքրանիոյ իշխանութիւնները ռուսական ուժերը մեղադրած են ռազմական յանցագործութիւններ կատարելու համար:
Ռուսաստանի արտաքին գործոց նախարար Սերկէյ Լաւրով Ուքրանիոյ Փուչա քաղաքին մէջ ստեղծուած իրավիճակը «կեղծ գրոհ» որակած է: Անոր խօսքով, այնտեղ կազմակերպուած է բեմադրութիւն, որ աւելի ուշ բոլոր ալիքներով եւ ընկերային ցանցերով տարածուած է Ուքրանիոյ եւ Արեւմուտքի մէջ:
