0.09c
Երեվան
երկ, դկտ 23
Օրերս, յաւարտ Ս. եւ Անմահ Պատարագին, Նիկոսիոյ Ս. Աստուածածին Մայր Եկեղեցւոյ մէջ, կատարուած է Կիպրոսի ՀՕՄուհիներու հոգիներուն հոգեհանգիստը, որ գեղեցիկ եւ օրինակելի աւանդութիւն դարձած է Փետրուար ամսուան ընթացքին կատարելը զայն:
Այս մասին «Արեւելք» տեղեկացաւ «Առաջնորդարան Հայոց Կոպրոսի» դիմատետրեան էջէն, ուր մասնավորապէս գրուած է՝
Կիրակի, 11 Փետրուար 2024-ին, յաւարտ Ս. եւ Անմահ Պատարագին, Նիկոսիոյ Ս. Աստուածածին Մայր Եկեղեցւոյ մէջ, ներկայութեամբ «Սօսէ» մասնաճիւղի ՀՕՄուհիներու եւ հաւատացեալներու, կատարուեցաւ Կիպրոսի ՀՕՄուհիներու հոգիներուն հոգեհանգիստը, որ գեղեցիկ եւ օրինակելի աւանդութիւն դարձած է Փետրուար ամսուան ընթացքին կատարելը զայն:
Հոգեհանգիստ կատարելը առիթներէն մէկն է ոչ միայն յիշելու մեզմէ առ յաւէտ մեկնած ՀՕՄուհիները, այլեւ խօսելու եւ անդրադառնալու անոնց կողմէ կատարուած նուիրական ծառայութեան՝ գաղութին, Արցախին եւ հայրենիքին համար: Արարողութեան նախագահեց Թեմիս Կաթողիկոսական Փոխանորդ՝ Գերշ. Տ. Խորէն Արք. Տողրամաճեանը:
Պատարագեց եւ քարոզեց Նիկոսիոյ Հոգեւոր Հովիւ՝ Արժ. Տ. Մոմիկ Քհնյ. Հապէշեանը: Հոգեհանգիստէն ետք, տարիներու սովորութեան համաձայն, յիշատակի նկար մը առնուեցաւ եկեղեցւոյ կողքին գտնուող Ապրիլեան Յուշարձանին առջեւ:
Աստուած «Սօսէ» մասնաճիւղի ննջեցեալ հոգիները լոյսերու մէջ հանգչեցնէ եւ գործող անդամներուն պարգեւէ արեւշատ առողջ օրեր:
11 Փետրուար 2024
Դիւան Ազգային Առաջնորդարանի
