14.09c
Երեվան
երկ, մյս 13
Մոսկուայի հիւանդանոցներէն մէկուն մէջ մահացած է 35-ամեայ Կարէն Ենգիբարեանը, որ ահաբեկչութեան ժամանակ մարդոց տարհանած է շէնքէն։ Հայ երիտասարդի մահուան մասին յայտնած են Ռուսիոյ հայերու միութենէն։
Ողբերգութեան պահուն Կարէն Ենգիբարեանը գտնուած է «Քրոքուս»էն ոչ հեռու։ Երբ ան շէնքի տանիքին ծուխ տեսած է, վազած է համերգասրահ եւ սկսած օգնել տուժածներուն լքել շէնքը։
«Հերոսաբար, վտանգելով իր կեանքը, նա օգնում էր մարդկանց. հանում էր ծխից, տանում բժիշկների մօտ ու ետ գնում։ Նա տուժողներից մէկին տուել է իր վերնահագուստը։ Կարէնը միայն առաւօտեան է վերադարձել տուն»,-ըսուած է Ռուսիոյ հայերու միութեան գրառման մէջ։
Կարէն Ենգիբարեանը ծխահարուած եւ մրսած է, տեղափոխուած է հիւանդանոց սուր շնչառական վարակ ախտորոշմամբ։ Հետագայ օրերուն տղամարդու ինքնազգացողութիւնը վատացած է, եւ, ցաւօք, չեն յաջողած փրկել անոր կեանքը։
Կարէն Ենգիբարեանի հրաժեշտի արարողութիւնը տեղի պիտի ունենայ շաբաթ օր՝ մարտ 30-ին, ժամը 11:00-ին, Մոսկուայի հայկական եկեղեցւոյ մէջ։
