Խամէնիի յայտարարեց` «Դէմ ենք արտաքին միջամտութեանց»

Խամէնիի յայտարարեց` «Դէմ ենք արտաքին միջամտութեանց»

Իրանի հիւսիսարեւմտեան շրջանին մէջ տեղի ունեցող իրադարձութիւնները պէտք է կարգաւորուին այնպէս, որ բացառուի օտար բանակներու միջամտութիւնն ու ներկայութիւնը տարածաշրջանին մէջ: Այս մասին յայտնած է Իրանի հոգեւոր առաջնորդ, այաթոլլա Ալի Խամէնէին:

«Երկրին անվտանգութիւնը յառաջընթացին ուղղուած գործունէութեան հիմքն է բոլոր ոլորտներուն մէջ: Ան, որ կը կարծէ, որ կրնայ իր անվտանգութիւնը ապահովել մէկ ուրիշի հաշուոյն, թող իմանայ, որ շուտով անոր համար ապտակ պիտի ստանայ», ըսած է Իրանի հոգեւոր առաջնորդը եւ աւելցուցած, որ Իրանի զինուած ուժերուն փառքը անոր մէջ է, որ անոնք որպէս ամուր բերդ կը ծառայեն  երկրին եւ ժողովուրդին համար:

«Կարեւոր փորձութիւններու ընթացքին Իրանի Զինուած Ուժերը ապացուցած է, որ ունակ է ապահովելու երկրին անվտանգութիւնը՝ ինչպէս սահմաններուն վրայ, այնպէս ալ ներքին անվտանգութիւնը», շեշտած է Խամէնէին: