2.09c
Երեվան
ուրբ, փտր 27
Արցախի Հանրապետութեան նախագահ Արայիկ Յարութիւնեանը 11 Սեպտեմբերին ստորագրած է հրամանագիր զօրավար-մայոր Կամօ Բահատուրի Վարդանեանը Արցախի Հանրապետութեան պաշտպանութեան նախարար-պաշտպանութեան բանակի հրամանատար նշանակելու մասին:
Կամօ Բահատուրի Վարդանեանը ծնած է 1966թ. Մարտ 18-ին, Մարտունիի շրջանի Նորշէն գիւղին մէջ:
Սորված է Մարտունիի շրջանի Նորշէն գիւղի միջնակարգ դպրոցին մէջ: 2006թ. աւարտած է ՌԴ ԶՈւ համազօրային ակադեմիան: 2019թ. աւարտած է ՌԴ ԶՈւ ԳՇ ռազմական ակադեմիան:
1992թ. Փետրուար 1-էն կը ծառայէ ԱՀ Պաշտպանութեան բանակին մէջ: 1992-2012թթ. ՊԲ տարբեր զօրամասերու մէջ զբաղցուցած է շարք մը հրամանատարական պաշտօններ` դասակի հրամանատար, վաշտի հրամանատարի տեղակալ, գումարտակի հրամանատարի տեղակալ-շտապի պետ, գումարտակի հրամանատար, զօրամասի հրամանատարի տեղակալ, զօրամասի հրամանատար, միաւորման հրամանատարի տեղակալ-շտապի պետ:
2007-2012 թթ. եղած է ՊԲ լեռնահրաձգային միաւորման հրամանատար: 2012թ. Նոյեմբեր 12-ին ԱՀ նախագահի հրամանագրով նշանակուած է ՊԲ հրամանատարի առաջին տեղակալ-շտապի պետ:
2011թ. Մայիս 6-ին ԱՀ նախագահի հրամանագրով անոր շնորհուած է զօրավար-մայորի զինուորական կոչում: Մասնակցած է 1992-1994, 2016 եւ 2020 թթ. մարտական գործողութիւններուն:
Պարգեւատրուած է ԱՀ «Մարտական խաչ» 2-րդ աստիճանի շքանշանով, ՀՀ «Արիութիւն» մետալով, ՀՀ «Վարդան Մամիկոնեան» շքանշանով, ՀՀ «Հայրենիքին մատուցած ծառայութիւնների համար» 1-ին աստիճանի մետալով, ԱՀ «Արիութեան համար» եւ այլ պետական ու գերատեսչական մետալներով:
Ամուսնացած է, ունի երկու դուստր եւ մէկ որդի:
