28.09c
Երեվան
կրկ, հնս 01
Իրանի Իսլամական Հանրապետութեան կապի եւ տեղեկատուական արհեստագիտութեանց նախարար Սաթար Հաշեմի եւ վերջինիս չինացի գործընկեր Լի Լեչենկի միջեւ Փեքինի մէջ տեղի ունեցած հանդիպման ընթացքին կողմերն ընդգծած են երկու երկիրներու միջեւ արհեստագիտական համագործակցութեան ամրապնդման կարեւորութիւնը։
Այս մասին յայտնած է իրանական IRNA լրատուականը՝ մանրամասնելով, որ Սաթար Հաշեմի Փեքին այցելած է իր չինացի գործընկերոջ հրաւէրով։
Հանդիպման ընթացքին նախարարներն ընդգծած են երկկողմանի համագործակցութեան ընդլայնումը, մասնաւորապէս՝ արհեստական բանականութեան, արդիւնաբերական խելացիացման, կապի ենթակառուցուածքներու զարգացման եւ մարդկային ներուժի վերապատրաստման ոլորտներուն մէջ։
Հաշեմին Չինաստանը բնութագրած է որպէս Իրանի ռազմավարական գործընկեր եւ դաշնակից՝ ընդգծելով կապերու խորացման անհրաժեշտութիւնը 22-24 հոկտեմբեր, 2024 թուականին, Ռուսիոյ Կազան քաղաքին մէջ կայացած գագաթնաժողովի ծիրէն ներս առաջնորդներուն հանդիպումէն յետոյ։
Լի Լեչենկ, իր հերթին, ընդգծած է չինական-իրանական պատմական եւ բարեկամական յարաբերութիւնները՝ Իրանը անուանելով տարածաշրջանային ամենակարեւոր գործընկերներէն մէկը։
