-1.91c
Երեվան
ուրբ, փտր 20
Միացեալ Նահանգները կը ծրագրէ Սուրիայէն դուրս բերել բոլոր ամերիկացի զինծառայողները՝ մօտաւորապէս 1000 հոգի։ Այս մասին կը հաղորդէ Wall Street Journal-ը՝ յղում կատարելով իր աղբիւրներուն։ Թերթին զրուցակիցներուն համաձայն՝ ամերիկացի զինուորականները պիտի լքեն Սուրիան յառաջիկայ երկու ամիսներուն ընթացքին։
Աւելի վաղ հաղորդուած էր, որ ԱՄՆ զինուորականները դուրս եկած են Սուրիոյ հիւսիս-արեւելեան Ալ-Հասաքէ նահանգին մէջ գտնուող իրենց գլխաւոր Ալ-Շատտատի ռազմակայանէն։ Կեդրոնը գրաւած է սուրիական բանակը․ ռազմակայանին նկատմամբ վերահսկողութեան փոխանցումը տեղի ունեցած է ամերիկեան կողմին հետ համակարգուած կերպով։
Նաեւ անցեալ շաբաթ ամերիկացիները դուրս եկած են Սուրիոյ հարաւը գտնուող Աթ-Թանֆ ռազմակայանէն։
2025 թուականի ապրիլին The New York Times թերթը հաղորդած էր, որ ԱՄՆ-ն սկսած է Սուրիոյ մէջ իր զօրակազմի թիւը կրճատել։ Զինուորականները կը ծրագրէին փակել երկրի հիւսիս-արեւելքը գտնուող ութ ռազմակայաններէն երեքը՝ զօրքերու թիւը 2000-էն նուազեցնելով մինչեւ 1400։ Միեւնոյն ժամանակ, տեղւոյն վրայ գտնուող ամերիկեան հրամանատարութիւնը խորհուրդ տուած էր «Սուրիոյ մէջ թողուլ առնուազն 500 ամերիկացի զինուորական»։
