13.09c
Երեվան
երք, ապր 29
Ռուս-վրացական սահմանին գտնուող «Վերին Լարս» անցակէտին 800-էն աւելի հայկական բեռնատար կայ կուտակուած։ Այս մասին կը տեղեկանանք Հիւսիսային Օսեթիոյ ճանապարհային երթեւեկութեան կազմակերպման կեդրոնէն։
Մցխեթա-Ստեփանծմինդա-Լարս միջազգային նշանակութեան ճանապարհի Կուտաուրի-Քոպի հատուածը փետրուար 17-էն փակ է Վրաստանի տարածքին մէջ եղանակային պայմաններու վատթարացման պատճառով:
Ըստ վերջին տուեալներու`անցակէտը հատելու համար 3094 փոխադրային միջոց հերթագրուած է, որոնցմէ 816-ը հայկական են։
Յիշեցնենք` Վրաստանը Մցխեթա–Ստեփանծմինդա–Լարս ճանապարհի ամենավտանգաւոր հատուածը (Կուտաուրի–Քոպի) շրջանցող ճանապարհ կը կառուցուի։ Խօսքը ինը քիլոմեթրանոց փապուղիի մասին է։
