28.09c
Երեվան
ուրբ, օգս 01
Թուրքիոյ ազգային պաշտպանութեան նախարար Հուլուսի Աքար կոչ ըրած է փակելու տարածաշրջանի մէջ հակասութիւններու ու ատելութեան էջը եւ սկսելու կառուցել ընդհանուր ապագայ՝ հիմնուած միջազգային իրաւունքի նորմերու յարգման վրայ։ Այս մասին յայտնած է «Անատոլու» գործակալութիւնը:
Աքար բարձր գնահատած է Թուրքիոյ եւ Ատրպէյճանի ղեկավարներու դիրքորոշումն ու տարածաշրջանին մէջ «խաղաղութեան, կայունութեան եւ զարգացման» մասին յայտարարութիւնները։
«Մենք անկեղծօրէն յոյս ունինք, որ Հայաստանը անպատասխան չի ձգեր Թուրքիոյ եւ Ատրպէյճանի մեկնած խաղաղութեան ձեռքը»,- ընդգծած է թուրք նախարարը։
Եզրափակելով՝ Աքար մատնանշած է Հարաւային Կովկասի մէջ տարածաշրջանային հաղորդակցութիւններու, ներառեալ՝ այսպէս կոչուած «Զանգեզուրի միջանցքի» բացման կարեւորութիւնը։
Աքար իր ելոյթը եզրափակած է «Կեցցէ՜ Ատրպէյճանի եւ Թուրքիոյ եղբայրութիւնը» խօսքերով։
