24.09c
Երեվան
կրկ, օգս 17
Փաշինեանը տաւուշցիներուն յայտնած է, որ 4 գիւղերը պէտք է անյապաղ յանձնել Ատրպէյճանին, այլապէս պատերազմ կ՚ըլլայ։
Այս մասին դիմատետրեան էջին գրած է ԱԺ «Հայաստան» խմբակցութեան պատգամաւոր Գառնիկ Դանիէլեանը․
«Ինչպէս յայտնի է՝ Նիկոլ Փաշինեանն այսօր անակնկալ այց է կատարել Տաւուշի մարզ: Ոսկեպար համայնքում տեղի է ունեցել հանդիպում մարզպետի, Նոյեմբերեան խոշորացուած համայնքի ղեկավարի եւ մի քանի գիւղերի վարչական ղեկավարների ներկայութեամբ:
Փաստենք, որ նշուած հանդիպմանը ներկայ չեն եղել զանգուածային լրատուութեան ներկայացուցիչները:
Այսինքն՝ Փաշինեանն իր հետ տարած մի տեսախցիկով փորձելու է ստեղծել շինծու տպաւորութիւններ եւ հերթական անգամ մոլորեցնել հանրութեանը:
Հանդիպմանը մասնակից մարդկանց ձեռքից հաւաքել են հեռախօսները եւ այլ իրեր: Այն ացնել է թէժ մթնոլորտում:
Նիկոլ Փաշինեանը յայտնել է, որ 4 գիւղերը պէտք է անյապաղ յանձնել Ադրբեջանին, այլապէս պատերազմ կը լինի, Ադրբեջանը ուժով կը վերցնի, իսկ մենք չենք կարող դիմակայել:
Հանդիպման մասնակիցները հարց են ուղղել՝ արդեօ՞ք այդ գիւղերի յանձնմամբ Ադրբեջանին չի անցնի նաեւ միջպետական ճանապարհը, որտե՞ղ են դրա արդիւնքում յայտնուելու ադրբեջանցիները, եւ արդեօ՞ք երաշխաւորւում է դրանով, որ պատերազմ չի լինի:
Փաշինեանն պատասխանել է՝ չի կարող երաշխաւորել, եւ կարող է ընդամէնը յուսալ, որ չի լինի պատերազմ եւ կը փորձի այնպէս անել, որ այդ ճանապարհներն անվտանգ կը լինեն: Նա նաեւ յայտնել է, որ Ադրբեջանի հետ նաեւ Թուրքիան է, եւ այլ ճար չկայ՝ պէտք է տանք:
Փաշինեանը կոնկրետ ժամկէտներ չի նշել, սակայն մեր տեղեկութիւններով՝ այցի նպատակը հենց գործողութիւններն արագացնելն է եղել:
Եւ չնայած որ Փաշինեանն իր հետ նաեւ մարդիկ է տարել՝ որոշակի մեղմ ֆոն ստեղծելու նպատակով, այդուհանդերձ, գիւղացիները բաւականին սուր հարցեր են ուղղել՝ փորձելով հասկանալ, թէ, ի վերջոյ, ադրբեջանցիները որտե՞ղ են կանգ առնելու: Փաշինեանը կրկին իրեն յատուկ մանիպուլացնող ոճով պատասխանել է, որ կ՚աշխատեն այլընտրանքային ճանապարհներ կառուցել եւ այլն:
Փաստենք, որ սրանով հաստատւում են մեր բոլոր մտահոգութիւնները. օկուպացիոն ռեժիմի սոյն պարագլուխն Ադրբեջանի հետ միասին դուրս է եկել հայ ժողովրդի դէմ եւ պատերազմի սպառնալիքներով, խաղաղութեան խոստումներով փուլ առ փուլ հասնելու է նրան, որ մի օր այդ «դեմարկացիան» տեղի ունենայ Երեւանում»,- գրած է Դանիէլեանը:
