-3.91c
Երեվան
երկ, դկտ 22
Ցաւօք, մենք պէտք է պատրաստ ըլլանք Ուքրանիոյ մէջ երկար պատերազմի, որ կրնայ երկարիլ ամիսներ եւ նոյնիսկ տարիներ: Երկարաժամկէտ հեռանկարի մէջ Ուքրանիան չի կրնար պաշտպանուիլ միայն Խորհրդային Միութեան զէնքով եւ պէտք է անցնի ժամանակակից արեւմտեան զէնքի:
ՆԱԹՕ-ն կ'աջակցի Ուքրանիոյ, բայց չի պատրաստուիր դառնալ հակամարտութեան կողմ, անհրաժեշտ է խուսափիլ ռազմական գործողութիւններու տարածումէն դէպի այլ երկիրներ։ Այս մասին յայտարարած է ՆԱԹՕ-ի գլխաւոր քարտուղար Ենս Սթոլթընպըրկ:
«Ցաւօք, մենք պէտք է պատրաստ ըլլանք Ուքրանիոյ մէջ երկար պատերազմի, որ կրնայ երկարիլ ամիսներ եւ նոյնիսկ տարիներ: Երկարաժամկէտ հեռանկարի մէջ Ուքրանիան չի կրնար պաշտպանուիլ միայն Խորհրդային Միութեան զէնքով եւ պէտք է անցնի ժամանակակից արեւմտեան զէնքի: Ուքրանիոյ շտապ աւելի շատ ծանր սպառազինութիւն անհրաժեշտ է, Արեւմուտքը պէտք է աշխուժացնէ մատակարարումները», ըսած է ան:
Գլխաւոր քարտուղարին խօսքով՝ պէտք է ամէն ինչ ընել, որպէսզի հակամարտութիւնը չտարածուի այլ երկիրներ:
«Ուստի մենք ՆԱԹՕ-ի զորքեր չենք ուղարկեր Ուքրանիա,- պարզաբանած է Սթոլթընպըրկը,- մենք կ'աջակցինք այս երկրին, բայց ՆԱԹՕ-ն գիտակցաբար պատերազմի կողմ չի դառնար»:
